မြတ်ဗုဒ္ဓ၏၀ိပဿနာတရားတော်နှင့် လူငယ်လူလတ် အပိုင်း(၃-က)

ဤအပိုင်းတွင် ကျွန်တော်နှင့် ပြောမနာဆိုမနာဖြစ်ကြသော သူငယ်ချင်းတစ်ယောက် ဆုံတွေ့၍ ဘာသာ ရေး နှင့် ပတ်သက်ပြီး၊ ပြောဆိုဆွေးနွေးကြပုံကို တင်ပြလိုပါသည်။

မြတ်ဗုဒ္ဓ၏တရားတော်များကို ကျွန်တော်လေ့လာနေသည်ဟု သူကြားသိပုံရသည်။ တစ်ယောက် နှင့် တစ်ယောက် မတွေ့တာ ကြာပြီဖြစ်သော်လည်း၊ ရင်းနှီးမှုကား ယခင်အတိုင်းပင်၊ သူက ကျွန်တော့်ကို အားမနာတမ်း မေးသည်၊ ကျွန်တော် ကလည်း ကျွန်တော်သိသလောက် ရှင်းပြသည်။

စာရှုသူလူငယ်လူလတ်တို့က ကျွန်တော်တို့စကားဝိုင်းကို ဘေးမှဝင်နားထောင်သော သဘောဖြင့် ဖတ်ရှု ကြည့်ကြ ရန်ဖြစ်ပါသည်။

ဤအပိုင်း၏အဓိကလိုရင်းမှာ မြတ်ဗုဒ္ဓ၏တရားစစ်၊ တရားမှန်များကို ကျွန်တော်တို့ သိရှိထားခြင်း အားဖြင့် အကျိုးရှိ-မရှိကို သုံးသပ်နိုင်ရန် တင်ပြခြင်းဖြစ်ပါသည်။

မြတ်ဗုဒ္ဓလမ်းညွှန်ပြသော “ကာလမသုတ်”ကို လက်ကိုင်ထား၍ လေ့လာကြည့်ကြ စေလိုပါသည်။

x x x

“လူတွေဘာဖြစ်နေကြတာလည်းကွာ”

“ဘာတွေဖြစ်နေကြလို့လည်း”

“သွားလိုက်ရတဲ့တရားရိပ်သာတွေ၊ နာလိုက်ရတဲ့တရားတွေ၊ စုံနေတာပဲ၊ အေးအေးဆေးဆေး မနေကြဘဲ ဘာတွေ လုပ်နေကြတာလဲ”

“မင်းက ဘယ်လိုထင်လို့လဲ”

“အပိုတွေပဲ ထင်တာပဲ နောက်တော့လည်း ဒီအတိုင်း ဒီအတိုင်းပဲ၊ အချိန်ကုန်တာပေါ့”

“ဘာကျန်သေးလဲ”

“ဘုရားလည်းရှိခိုးလိုက်ကြတာကွာ၊ ငါလည်း ငယ်ငယ်ကတည်းကရှိခိုးခဲ့ဖူးတာပဲ၊ ဘာမှလည်း ထူးတယ် မထင်ပါဘူး၊ ကြည့်လေကွာ အခုလည်း မီးတွေက ပျက်နေတာ ပျက်နေတာပဲ”

ကျွန်တော် သူ့စကားကို နားထောင်ပြီး၊ မပြုံးမိအောင်သတိထားလိုက်ရသည်။ သူက ယခုလက်ရှိ ပုံနှိပ်စက်လေး တစ်လုံးထောင်၍ ၀မ်းစာရှာနေသူဖြစ်သည်။ မီးပျက်တော့ အလုပ်ပျက်သည်၊ သူ ၀င်ငွေ လျော့သည်၊ သူစိတ်ပျက်ခံစားရသည်။ ဘုရားကလည်း မကယ်ပါဘူးဟု ပြောလိုပုံရသည်။

သူ၏မေးခွန်းများတွင် စော်ကားလိုသော ၊ ပြက်ရယ်ပြုလိုသော အဓိပ္ပါယ်မပါ၊ သူ ရိုးသားစွာ မေးနေ ခြင်းဖြစ်သည်။ သူသိလိုသည်များကို တတ်နိုင်သမျှ ရှင်းပြလိုသော စေတနာကျွန်တော့်တွင် ဖြစ်လာသည်။

“မင်းက ဘုရားရှိခိုးတယ်၊ မီးကတော့ပျက်နေတာပဲ ဒီတော့ မင်းအနေနဲ့ ဘာမှမထူးဘူး ထင်တယ်ပေါ့”

”အေးလေ-ထူးလို့လား”

“မီးပျက်တော့ မင်းကဘာလို့စိတ်ပျက်ရတာလဲ”

“အလုပ်ပျက်တာပေါ့ကွ”

“အလုပ်ပျက်တော့”

“အလုပ်ပျက်တော့ ဆုံးရှုံးတာပေါ့”

“ဘာရှုံးတာလဲ”

“ပိုက်ဆံပေါ့ကွ၊ အချိန်ပေါ့ကွ၊ အလုပ်သမားကတော့ ပေးရတာပဲ”

“အဲ့ဒီတော့ မင်း ဘာလိုချင်လဲ”

“မီးမှန်တာ လိုချင်တာပေ့ါ”

“အခု မီးမှန်မှန်လာလား”

“မလာပါဘူး ပျက်ပါတယ်ဆိုမှ မင်းကလဲ”

“စိတ်မဆိုးပါနဲ့ကွာ၊ ငါက မင်းဘာဖြစ်ချင်လည်းမေးတာပါ၊ မီးမှန်မှန်လာတာ လိုချင်တာပေါ့ ဒီလိုလား”

“အေးပေါ့ကွာ”

“မင်းစကားထဲမှာပဲ လူတွေဘာသာရေး လိုက်စားရခြင်းရဲ့အကြောင်း ပါနေတယ်။ မင်း သတိ မထားမိလို့”

“ဘာများပါလို့လဲ”

“တို့ ဗုဒ္ဓက ဟောတယ်လေ၊ သမုဒယကြောင့် ဒုက္ခဖြစ်ရတယ်တဲ့”

“မင်းပြောတဲ့ သမုဒယ ငါနားမလည်ဘူး၊ ဒုက္ခတော့ သိတယ်”

“အေး သမုဒယဆိုတာ စွဲလန်းမှု၊ လိုချင်မှုဆိုတဲ့ အဓိပ္ပါယ်ပဲလေ၊ စွဲလန်းမှု လိုချင်မှုရှိလို့ မရတဲ့အခါ မင်းမကြေနပ်ဘူး၊ အဲ့ဒါ ဒုက္ခပဲပေါ့၊ ရလာရင်လည်း မင်းသာမသိရင်ရှိမယ်၊ မာနဖြစ်တတ်သေးတာပဲ”

“အဲ့ဒါသဘာဝပဲဟာ”

“တို့ဗုဒ္ဓရဲ့တရားဆိုတာကလည်း သဘာဝတွေကိုပဲသိအောင် ဟောထားတာတွေပါ၊ သဘာဝလွန် တွေ မပါပါဘူး”

“သိရုံနဲ့ ဘာဖြစ်လာမှာလဲ”

“သိတော့ရှောင်နိုင်တာပေါ့ကွာ၊ဒုက္ခမဖြစ်အောင်ရှောင်နည်းတွေ၊ ဒုက္ခမှလွတ်မြောက် ကြောင်း တွေထိပါ တို့ဗုဒ္ဓက ဟောပြခဲ့တာ”

“ဒါဆို ငါအခုဖြစ်နေတဲ့ဒုက္ခက လွတ်မှာလား”

“ဘာ ဒုက္ခလဲ”

“မီးမလာတာလေကွာ”

ရိုးလွန်းတော့ အ ဆိုသောစကားပုံရှိသည်။ ကျွန်တော်၏သူငယ်ချင်းသည် သူ့ဘ၀ကို ငွေရရေး တစ်ခုတည်းပေါ်၌သာ ပုံထားပုံရသည်။

“မီးပျက်တာက ဘုရားနဲ့မဆိုင်ဘူး”

“ဘာနဲ့ဆိုင်လဲ”

“မီးပေးတဲ့လူတွေနဲ့ပဲ ဆိုင်တာပေါ့ကွ၊ မင်းစိတ်ဆိုးရင် အဲ့ဒီလူတွေကိုပဲ စိတ်ဆိုးရမှာ၊ ဘုရားကို စိတ်ဆိုး ရမှာမဟုတ်ဘူး၊ ကျေးဇူးတင်ရမှာ“

“ဘာကိုကျေးဇူးတင်ရမှာလဲ”

“တို့ဗုဒ္ဓက လိုချင်တာ၊ မတင်းတိမ်တာဟာ လောဘတဲ့၊ အဲ့ဒီလောဘကြောင့် ဒေါသတဲ့၊ လောဘရော၊ ဒေါသကိုပါ တို့ဗုဒ္ဓက အကုသိုလ်လို့ဟောတယ်၊ နောက် အကြောင်းကြောင့် အကျိုး ဖြစ်တတ်တယ်လို့လည်း ဟောတယ်၊ အကုသိုလ် အကြောင်းပြုရင် အကုသိုလ်ဆိုတဲ့ မကောင်းမှု အကျိုးပဲရတတ်တယ်လို့ ဟောတယ်၊ မင်းဒေါသက ဒီမှာရပ်ရင်ရပ်၊ မရပ်လို့ အလုပ်သမားတွေဆီမှာ သွားပေါက်ကွဲရင် မင်းအတွက် ဆိုးကျိုးထပ်ဖြစ်မယ် လောဘအခြေခံပြီး ထပ်ဖြစ်တတ်တဲ့ဆိုးကျိုးတွေ သိထားရင် ဆိုးကျိုးမဖြစ်အောင် မင်းရှောင်နိုင်တာပေါ့။ ဒါကြောင့် ကျေးဇူးတင်ရမှာ”

“ငါတော့ သိပ်နားမလည်သေးဘူး”

“မင်းကို ငါ-ဥပမာတစ်ခုပြောပြမယ်၊ မင်းကညဖက်မှာ တရေးနိုးတော့ သန်းခေါင် လောက် ဆိုပါတော့ကွာ၊ နေရောင်ကို တောင့်တမိတယ်၊ မင်းလိုချင်တဲ့ နေရောင်မရလို့ မင်းဆန္ဒတွေမပြည့်လို့ မင်းဒေါသထွက် ပေါက်ကွဲမယ်ဆိုရင် မင်းမှာလည်း ရောဂါ အခံလေးများလည်းရှိခဲ့ရင် မင်းဒေါသကိုလည်း မင်းမထိန်းနိုင်ရင် မနက်အရုဏ်မတက် နေရောင်မလာခင်မှာပဲ မင်းသေရင်တောင် သေသွားနိုင်သေးတယ်၊ ဒေါသအရှိန်အဟုန် ပြင်းရင် နှလုံးပါပျက်စီးတတ်တာ မင်းကြားဖူးတယ် မဟုတ်လား။”

“ညဖက်ကြီးနေထွက်ဖို့ကတော့ ဖြစ်မှမဖြစ်နိုင်ပဲ”

“ခုလည်း ဘာထူးလဲ ဖြစ်မှမဖြစ်နိုင်ပဲ၊ ပျက်တဲ့မီးက ပျက်နေတာပဲ၊ မီးပျက်တဲ့အကြောင်းရင်းကို ရှာပြီးပြင်မှ မီးလာမှာ၊ ဒေါသဖြစ်ရင် မင်းပဲထပ်ဆုံးရှုံးမှာ မီးကလာမှာမဟုတ်ဘူး။ ဒါကြောင့်မို့ ဒုက္ခတွေ ထပ်မတိုးရအောင် တို့ဗုဒ္ဓက “ယောနိသော မနသိကာရ” သင့်တင့်လျောက်ပတ်စွာ နှလုံးသွင်းတတ်ရမယ်၊ ဆင်ခြင်တတ်ရမယ်လို့ ဟောခဲ့တာ၊ သင့်တင့်လျောက်ပတ်စွာ နှလုံးသွင်းရင် အမှန်နဲ့ ပိုနီးစပ်လာ နိုင် တာပေါ့၊ အဲ့ဒီအခါအမှန်ကိုမြင်လာပြီး စိတ်အေးချမ်းလာရင် အဓိကပြဿနာဟာဘာလဲလို့ မြင်လာ လိမ့် မယ်၊ လုပ်သင့်လုပ်ထိုက်တာ လုပ်တတ် လာ လိမ့်မယ် ဒါပါပဲ။”

“ခက်တော့ ခက်တယ်နော်”

“အခက်အခဲတွေအားလုံးကို ကျော်လွန်ပြီး၊ နောက်ဆုံး အခက်အခဲအားလုံး၊ ဒုက္ခအားလုံးက လွတ်စေတဲ့ နည်းလမ်း တွေကို တို့မြတ်ဗုဒ္ဓက အပြည့်အစုံ ဟောပြီးသား”

“စာတွေဖတ်ရမှာပေါ့”

“စာတွေဖတ်သင့်ရင်ဖတ်ရမယ်၊ ကျင့်ဖို့ကပိုလိုတယ်၊ ကိုယ်တိုင်မဖတ်နိုင်ရင် တတ်သိနား လည်ပြီးသား၊ ဗုဒ္ဓသားတော် တွေ ချဉ်းကပ်မေးမြန်းပေါ့”

“ခုမှ ပြန်စရမှာ”

“ငယ်ငယ်ကတည်းက ကြိုသိထားရင် ပိုကောင်းတာပေါ့ကွာ၊ ဒါပေမယ့်လည်း ဗုဒ္ဓက ခုသိ၊ ခုကျင့်၊ ခုအကျိုးရှိတဲ့တရား၊ “အကာလိကော” အချိန်အခါမရွေးတဲ့ တရားပါလို့ အာမခံပြီးသား၊ အဲ့ဒီတော့ မင်းက ငါ့ကိုမေးခွန်းနှစ်ခုမေးခဲ့တယ်။ လူတွေ ဘာဖြစ်နေကြတာလည်းကွာ၊ သွားလိုက်ရတဲ့ တရားရိပ် သာ တွေဆိုတဲ့ မေးခွန်းကိုငါအရင်စဖြေမယ်၊ ငါနားလည်သလောက်ပေါ့၊ နောက်မှဘုရားရှိခိုးတာ ဘာ ကြောင့် ဆိုတာ ရှင်းပြမယ်။ မင်းအချိန်ရရဲ့လား”

“ရပါ့ကွာ၊ မီးမလာရင် ဘာအလုပ်မှကို မရှိဘူး။”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: